Hygyrchedd

 
  • Nid oes modd cyrraedd Ystafelloedd y Castell gyda chadair olwynion neu fygi. Mae 6 step garreg gyda rheiliau sy’n arwain i fynedfa’r Tŷ.  Mae 5 step garreg arall y tu mewn i gyrraedd y Brif Neuadd. Ar y llawr hwn mae’n bosibl gweld y Llyfrgell, y Stydi, yr Ystafell Groeso ac Ystafell Fwyta Fach. Mae 25 step wedi'u carpedi i gyrraedd y llawr nesaf. Ar y llawr hwn mae’n bosibl gweld yr Ystafell Arabaidd a’r Neuadd Wledda. Mae problemau technegol ar y lifft sydd yn y Brif Neuadd, ac felly nid yw’n gweithio ar hyn o bryd. Ymddiheurwn am hyn a diolch i chi am eich amynedd wrth i ni geisio cael y lifft i weithio’n iawn.
  •  Mae tocyn consesiwn ar gael i ymwelwyr anabl; gall un gofalwr ddod am ddim gyda’r ymwelydd anabl.
  • Mae'r Ganolfan Ddehongli yn gwbl hygyrch i ddefnyddwyr cadeiriau olwyn a rhieni gyda chadeiriau gwthio, gan gynnwys yr arddangosfa Firing Line,y cyflwyniad ffilm, y caffi a'r siop. Ceir toiledau i'r anabl ar y llawr cyntaf, ger yr ardal arddangos ffilm. Mae lifft ar gael i hebrwng ymwelwyr o'r llawr gwaelod i bob lefel, gan gynnwys y teras to.
  • O’r teras, mae mynediad gwastad i Daith y Bylchfur a ramp yn arwain lawr i Faes y Castell.
  • Mae gerddi’r Castell yn wastad, gyda chyfran helaeth ohonyn nhw’n lawnt. Ar ôl croesi’r bont grog i’r Castell, bydd llwybr carreg yn arwain o amgylch y safle cyfan.
  • Mae’r Ganolfan Addysg a’r Neuadd Undercroft o’r 15ed Ganrif lle cynhelir y Gwleddoedd Cymreig hefyd yn hygyrch i ddefnyddwyr cadair olwyn a rhieni gyda chadeiriau gwthio.
  • Mae Ystafelloedd y Castell yn cynnwys llawer o risiau a grisiau troellog ac oherwydd hynny nid yw yn addas ar gyfer pobl sy'n defnyddio cadeiriau olwyn neu gadeiriau gwthio. Er mwyn mynd i mewn i’r Gorthwr Normanaidd, rhaid i ymwelwyr ddringo oddeutu 50 gris carreg serth at fynediad y Gorthwr. Oddi mewn i’r Gorthwr, mae grisiau pellach, rhai ohonynt yn hynod o serth, i gyrraedd y man gwylio ar y brig.
  • Mae Teithiau Glywedol ar gael mewn 10 iaith
  • Mae'r teithiau glywedol ar y safle’n cynnwys taith mewn iaith arwyddion (Iaith Arwyddion Cymraeg) a thaith ar gyfer ymwelwyr â nam ar eu golwg (Saesneg a Chymraeg).
  • Gellir trefnu Teithiau Cyffwrdd o amgylch ystafelloedd y Castell i grwpiau â nam ar eu golwg sydd wedi archebu ymlaen llaw – ffoniwch 029 2087 8100 am ragor o fanylion.
  • Dim ond cŵn cymorth a ganiateir ar y safle.